இராணிப்பேட்டை நியூஸ் மீடியா அசோசியேஷன் ஆஃப் இந்தியா தேசியத் தலைவர் மற்றும் போலீஸ் நியூஸ் பிளஸ் முதன்மை ஆசிரியர் திரு. சார்லஸ் அவர்களின் வழிகாட்டுதலின்படி, சென்னையைச் சேர்ந்த போலீஸ் நியூஸ் பிளஸ் மொபைல் மற்றும் குடியுரிமை நிருபர்கள் திரு.அசோக் குமார் மற்றும் திரு.ராஜ்குமார், அரக்கோணம்–சோளிங்கர் பகுதியில் சமூக நலப்பணியில் ஈடுபட்டனர். 2025 ஆம் ஆண்டு நவம்பர் 29ஆம் தேதி, சோளிங்கரில் அமைந்துள்ள திருக்கோவிலுக்குச் சென்ற அவர்கள், கோவிலில் குளித்து கொண்டிருந்த ஏழை மற்றும் எளிய மக்களுக்கு குளித்தபின் பயன்படுத்தும் துடைப்புத் துணி (Towel) வழங்கி உதவி செய்தனர். மேலும் உணவு தின்பண்டங்களும் வழங்கப்பட்டது.
இந்த சமூக சேவைப் பணியின் மூலம், மக்களின் தினசரி தேவைகளில் ஒன்றான அடிப்படை சுகாதார வசதிக்குப் போலீஸ் நியூஸ் பிளஸ் சார்பில் சமூக சேவை பங்களிப்பு செய்யப்பட்டது. சமூகத்தில் பொருளாதார ரீதியாக பலவீனமானவர்கள் பலர் கூட எளிய துணி போன்ற அத்தியாவசிய பொருட்கள் கூட வாங்க முடியாமல் தவித்து வருகிறார்கள். இவர்களுக்கு நேரடியாக தேவைகளை பூர்த்தி செய்து உதவுவது சமூக ஒற்றுமையையும் மனிதநேயத்தையும் வளர்க்கும் சிறந்த செயல் என்பதை இந்த நிகழ்வு மீண்டும் நினைவூட்டுகிறது. “இல்லாதவர்களுக்கு இயன்றதை செய்வோம்” என்ற உயர்ந்த நோக்கத்துடன், நியூஸ் மீடியா அசோசியேஷன் ஆஃப் இந்தியா மற்றும் போலீஸ் நியூஸ் பிளஸ் பொதுமக்களுக்கான சமூக சேவை முயற்சிகளை தொடர்ச்சியாக செய்வோம் என்று நிருபர்கள் தெரிவித்தனர்.
இராணிப்பேட்டை மாவட்டத்திலிருந்து நமது நிருபர்
திரு. கஜேந்திரன்
